Venhim hnathawktute chuan nimin khan Kashmir chhim lam, Shopian district-a inbeihnaah mi firfiak pali an that tih police thuneituten an sawi.
Inbeihnaah hian Indian Army sipai pakhatin hliam a tuar ve a, sipaite duty lai chu firfiakte hian zan lai velah an kap hmasa niin an sawi.
Venhim hna thawktute hian thu an dawna Manihal velah firfiak tawm an awm tih an hriat chu dap chhuah beihpui an thlak lai a ni.
Inkahna hi darkar eng emaw zat chhung a thleng a, firfiakte hi inpe tura tih pawhin an inpe duh lo va, a tawpah kah hlum an ni ta niin PTI chuan police atanga thu an dawn an chhuah chhawng.
Firfiak kah hlum takte hi tute nge an nih leh eng pawla mi nge an nih hriat a la ni lo.
Kar kal ta Thawhlehniah pawh khan Shopian district-ah tho hian Rawalpora-ah mi firfiak pahnih thah an lo ni tawh.
He beihpui thlak hian ni thum zet kalpui niin police chuan thi zingah hian Vilayat Ahmad Lone, Sajjad Afghani tia an koh thin bawk, Shopian-a mi, Shopian-a Jaish-e-Mohammad firfiak pawl ‘commander’ a ni.