Premier League champion Manchester City chuan French club Rennes atangin Belgium winger Jeremy Doku chu Pound maktaduai 55.4 in an lalut dawn.
Kum 21 mi hian Ligue 1 club tan hian vawi 92 inkhel tawhin goal 12 a khung tawh.
Doku hi tun nipui a Manchester City in man to taka player an lakluh pathumna a ni dawn a. Chelsea atang Pound maktaduai 25 a zawmtu Mateo Kovacic leh RB Leipzing atangin Pound maktaduai 77 in defender Josko Gvariol an lalut ve bawk.
Thawhlehni khan Manchester-ah hian medical nei tura ngaih a ni a. Hemi hnuah hian a insawnna hi fel tura ngaih a ni.
Winger tlan chak tak mai Doku hi Premier League club dang West Ham United, Tottenham leh Chelsea te pawhin an ngaihven.
Nimahsela City hian tun nipuiah Riyad Mahrez chu Saudi lam an pan tir bakah midfielder pawimawh Ilkay Gunodan an chhuah tir a, hei vang hian inthuamthat an la tum a ni.