Aizawl : Sorkar laipuia Ministry of Education hnuaia National Education Policy (NEP-2020) hma- lakna kal zela programme pakhat, Samagra Shiksha hnuaia kalpui – National Initiative for Proficiency in Reading with Understanding and Numeracy (NIPUN) Bharat chu nimin khan Champhai district education committee Chairman, Champhai Bawrhsap James Lalrinchhana’n a hawng.
Sorkar thuchhuahin a tarlan danin NIPUN Bharat hian naupa- ngin zirna innghahna lungphum pathum – ziak, chhiar leh chhiar- kawp an thiam theihna tura zirna boruak tha an neih theihna tur siam te, zirna in chu dam chhu- nga an tangkaipui tur zir chhuah naa siama, naupangte pawhin hriatthiamna tak nen zirna awm- ze nei leh hlimawm an neih theihna tur dah pawimawh a ni.
Champhai district education committee chairman, Champhai Bawrhsap chuan NIPUN Bharat kaltlangin Champhai district naupang ten an zirlaiah thiamna tak tak an neih theih ngei a beisei thu sawiin, he hmalaknaa mawhphurhna chelhtu Samagra Shiksha hotute leh school zirtirtute chu a nih tur ang taka uluk leh fimkhur taka kalpui turin a chah a. Zirlaite zirna tha pek chu mipuitling chherchhuahna tura thil pawimawh ber te zing ami a ni tih hriat a pawimawh thu a sawi bawk a ni.