MSACS hnuaia New Bike Outreach kaltlanga district zawng zawng tuam chhuak tur Bike 11 leh AYUSH Health & We- llness Centre 38 a hman tur Mini Laboratory Se- rvices bungrua, Truck 16 hmanga sem chhuah tur te chu nimin khan Health Minister Dr. R. Lalthangliana’n Aizawl atangin a vailiam.
Health Minister ch- uan Bike Outreach Se- rvice leh Ayush Health & Wellness Centre tihchangtlunna tur laboratory bungraw sem tur te chu hriselna ka- wnga hmasawnna, da- mreina leh nunna chh- anna atana hmalakna a nih thu a sawi a. Hri- selna kawnga bung th- ar leh thil chhinchhiahtlak tak Mizoramin a chuangkai nia sawiin, la- wmawm a tih thu a sawi.
Health department hnuaia peng pakuate inthlunzawmna leh inlungrualna avanga hla- whtlinna hrang hrang hmuh chhoh zel a nih thu sawiin, ropui a tih thu Health Minister chuan a sawi a. Nunna chhanna tura hmalakna a nih avangin sorkarin Health department hn- uaia hmalaknate a ngai- pawimawh thin nia saw- iin, hriselna chu hmasawnna tura pawimawh tak, sum thlenga nghaw- ng nei a nih thu a sawi.
Health Minister ch- uan MSACS Bike Outreach kalpui na atan NACO-in Bike a tumsak bakah PATH-in thawktu rawihna tur a tumsak nia sawiin, lawmthu a sawi.
Ayush kaltlanga hmalaknate chhuanawm a tih thu pawh Health Minister chuan sawiin, AYUSH He- alth & Wellness Centre-te hnena Laboratory hmanrua pekch- huahte chuan hmasawn na a thlen ngei a beisei thu a sawi a. Kumin March ni 31 ral hmain Health Sub-Centre 375 chu Health & Wellness Centre-a hlankai an nih thu leh heng zinga 38 te chu Ayush Doctor thutchilh an nih thu sawiin, Health Sub-Centre awm lohnaah SEDP suma Health Clinic 235 din a nih thu leh thawktu leh hmanruate pek an nih thu a sawi bawk.
Sorkar thuchhuahin a tarlan danin MSACS New Bike Outreach kaltlang hian hmun kilkhawr ber thlengpha HIV test, councelling, damdawi pekchhuah, HIV hridanna sem leh tul dangte thawh a ni dawn a. Heng hna te hi Laboratory Technician ten an thawk ang. He- ng bakah hian mama- whna hmun leh high risk group miharsate an pan bawk ang.
National AIDS Co- ntrol Program phase 5 duh dan anga HIV kai zaa 80 a tihhniam a nih theih nan HIV kai, mahni dinhmun la hre lo ten an hriat ngei nan HIV test chu a hma aia nasa zawka kalpui a ngai a. MSACS hnuaiah ICTC leh Mobile ICTC (HIV test-na) district tinah awm mahse, khaw kilkhawr leh test-na hmun pan harsa ti an la tam avangin, bike outreach chu NACO-ah thlen niin, pawm a ni a. HIV kai ten an dinhmun an hri- at hma chuan enkawlna tha (ART) an ei hma anga, chu chuan an hriselna bakah midang kaichhawn kawngah thui takin kawngro a su a ni.
HIV kai awlsam tura ngaih High Risk Group (HRG) zingah thisen test tha duh lo, chhuanlam siama IC- TC a hruai thlen theih loh te bakah awmna hmun hlat avanga ICTC thlen harsate tan he Bike Outreach hi buatsaih a ni a. High Risk Group ni lemlo, thisen test duh, a test-na hmun pan harsate tan pawh ruahhman niin, HIV hri darh zel tur venna hmanruate a mamawh tan an sem bawk ang a, ART damdawi, hmun hla zawka awm te tan a remchan dan anga sem tum a ni bawk.
HIV positive, ART a inentir thei lo te tan ART an lak tan theih nan Bike Outreach hian hma a la tel dawn a. ART ei tha tawh hmun hla zawka awm viral load test harsa ten a hun taka an test theih nan hmalak tum a ni bawk tih sorkar thuchhuah chuan a tarlang.