Superstar Rajinikanth film thar, ‘Jailer’ chuan tlangzarh atanga ni 11 ah mel lung pawimawh phunin global box office-ah Rs Billion 5 chuang a lalut.
Kum 2021 khan ‘Annaththe’ ah inlan lehin kum hnih hnu lamah ‘Jailer’ film thar hmangin ‘comeback’ nasa zawk a rawn nei a ni ber mai.
Director Nelson Dilipkumar film siam, ‘Jailer’ ah Rajinikanth hi police officer chawl tawh lemah changin, a inlan a, a chevel leh hawi her bakah a khawsak dan vel chuan fan te a tilungawi lehpek hle.
He film-ah hian Bollywood lam atangin Jackie Shroff leh milar dangte’n an tawimawi hneh bawk a, ni 11 lek chhungin Rs Billion 5 chuang a lalut hem hem tawh mai a ni.