Aizawl: Mizoram Pradesh Congress Committee (MPCC) chuan Aizawl South II bialah political training an nei a. He hun hmanpuitu, MPCC Treasurer Dr Lalmalsawma Nghaka chuan ram leh hnamin rûnin a awm mek tih a sawi.
Dr Lalmalsawma Nghaka chuan harsatna ril takin ram a nuai mek tih sawiin, “Pakhatnaah kan ramah eiruknain zung thuk tak a kai mek a. Pahnihnaah chuan mirethei leh harsa zawkte rahbehin an awm mek a. Pawisak nei lo, mihausa rual lalna ramah kan ram a chhuak mek a ni,” a ti.
MPCC Treasurer chuan kan sakhua beihin a awm mek tih a sawi a. Mizo thalaite ruihhlo leh beidawnnaa an tluk luh mekna atanga chhan chhuah chu Congress party-in sorkar tha leh tang puihna policy a auchhuahpui chhan a nih thu a sawi.
“Thalaite sorkar hnain a daih tawh lo tih kan hria a, mahni kea an din theiha hma an sawn a, eizawnna tlinga khaichhuah an nih nan tang puihna kan kalpui dawn a ni,” tiin Dr. Lalmalsawma Nghaka chuan a sawi bawk.