Aizawl : Excise & Narcotics Department (END) chuan meth-amphetamine an man.
Thawhlehni zing dar 9:15 khan END chuan Edenthar Veng-ah meth-amphetamine kg 9 & gram 782 (tablet 1,00,000) leh he ruihhlo lei leh hralhnaa inhnamhnawih nia puh mi panga, Tripura-a khawsa ve ve Manik Debnath (39) leh Ram Chandra Das (35); Zonunsanga (32) leh Lalruatzela (31), Khawmawi, Myanmar-a khawsa ve ve nia inchhal leh Khawpuimawia (32), Khawmawi, Myanmar, tuna Edenthar venga khawsa mek nia inchhalte an man.
Meth-amphetamine te hi Tahan, Myanmar atanga lak niin, Manik Debnath leh Ram Chandra Das te hian state danga hralh chhawn leh atana an tih a ni. Heng meth-amphetamine lei leh hralhna sum leh a phurhna atana hman Maruti Bezza Car (Regn No MZ01X-0090 pawh man tel nghal a ni.
Meth-amphetamine vanga mante hi NDPS Act tlawhchhanin thubuai siamsak an ni.