Aizawl : Champhai district-a Zirtirtute Ni (Teachers’ Day) hman dan tur ngaihtuahtu committee chu nimin khan Champhai Bawrhsap James Lalrinchhana hovin an thukh- awm a. September ni 5 – Zirti- rtute Ni chu school tinin an remchan dan angin mahni sch- ool theuha hmang turin an ti.
Zirtirtute Ni puala Champhai Bawrhsap, District level committee on celebration of teachers’ day Chairman ni bawk James Lalrinchhana thuchah chu school tina zirtirtute ni hmannah chhiar chhuah a nih bakah calble TV kaltlanga tihchhuah ni se, an ti a. Champhai khawpui chh- ung hmun pathum–ah photo booth dah pawh rawtin, national leh state zirtirtu chawimawina dawng te chawm- awina hun buatsaih ni se, an ti a, hei hi banner leh photo booth-ah te pawh tarlan ni se, an ti. Champhai district atangin zirtirtu national award dawng mi 6 leh State award dawng mi 5 an awm tawh niin sorkar thuchhuahin a tarlang.
Champhai district-a zirtirtute ni hman dan tur ngaihtuahtu committee chuan zirtirtute ni-a zirlai ten zirtirtute thilpek an pek thin chungchangah thilpek te a rualkhai zawk nan school tin te chu hma la turin an ti a. “Mimal hnena thilpek tih loh hram ni se” an ti bawk.
National foundation for teachers’ welfare fund (NF- TW) atana zirtirtu ten Rs. 100 theuh an thawh thin chu ku- min atangin Rs. 200 theuh ni tawh tura tih a ni a. NFTW fund hi zirtirtu damlo kanna atana hman thin niin, state pawna inenkawl te Rs. 30,000; state chhunga inekawl, natna khir tuar te Rs. 20,000 leh State chhunga inenkawl, natna ziaawm deuh te Rs. 10,000-in an kan thin a ni.