AC Milan player thar Christian Pulisic chu a team thar tana a inkhel hmasa berah a par vul a. Goal khung nghalin 2-0 in Bologna lakah an chak.
Thawhtanni zanah Stadio Renato Dall’Ara-ah United States international hian Milan goal hnihna hi a khung a. Minute 21-naah Olivier Giroud nen fing taka tlarhnung an thiah hnuah a khung.
French striker Giroud hian minute 11-naah goal a khung a, a goal khungna tura bul tantu chu Pulisic a ni.
Khawlum tak hnuaia inkhelah hian Milan tan Rafael Leão chuan second half tawp dawnah an goal thumna a khung teuh hle.
Milan manager Stefano Pioli chuan, “Pulisic hian talent tha tak a nei tih ka hria a, chuvangin a theihna hi ka ringhlel ngai lo. Kan lakluh hma a kan inbiak pawhin kan team-ah theihna sang tak a lo luhpui dawn tih ka hria a ni.” tiin a sawi.
An team chungchang sawi belhin, “Friendly vawi li kan khelh hnuah season bul kan tan a ni a, kawng dik zawh tan mah ila hmasawnna tur a la tam.” a ti bawk.
Inkhel dangah Torino leh Cagliari te 1-1 in an inhnehtawk.