United States Secretary of Defence Lloyd Austin chuan Pathianni khan sawi lawk lovin Afghanistan a tlawh a, President Ashraf Ghani nen an inkawm.
A tlawh hun hi America sipaiten Afghan an chhuahsan tan hun tur hma kar khatna chiah a ni a. Ram chhunga remna leh muanna leh firfiaka chet thinna chungchang an sawi dun.
Austin hian India a tlawh zawh hnu lawkah Afghan-ah a tlawh a. India-a a châm laiin Prime Minister Narendra Modi, Defense Minister Rajnath Singh leh External Affairs Minister S Jaishankar te hmuin, “India leh US-te chu ram inkawp tha tak kan ni,” a ti.
US hian Afghanistan-a remna leh muanna a awm theihna turin hma a la mek a, hemi atan hian Taliban-te an pawimawh a. Taliban leh Afghan sorkar chu thuneihna insem tlang thei turin inbiakna pawh a kalpui mek.