AZL: Aizawl South ll bialtu MLA Lalchhuanthanga chuan a bial chhung, Tlangnuam YMA hnenah a MLA fund atanga a lei, Pick Up (4×4) a hlan a. YMA Library-a dah tur lehkhabu hrang hrang bu 23 a hlan tel.
Lalchhuanthanga chuan a bial chhunga YMA branch thenkhat – Tuikhuahtlang, ITI leh Salem veng YMA branch hnenah Pick up a lo hlan tawh a. YMA ten chhiat ni that ni atan tangkai taka an hman mek thu a sawi a. Tlangnuam branch YMA pawhin tangkai taka an hman a beisei thu a sawi.
Hetih rual hian Tlangnuam YMA Library-ah lehkhabu chi hrang hrang 23 a hlan tel nghal bawk a. Veng chhung mipuiten Library hlutna an hriat thar a, tangkai taka an chhawr thar zel a duh thu a sawi bawk.
Pick up leh lehkhabu inhlanna hun hi Thawhtanni khan Lalchhuanthanga in kawtah Tlangnuam Branch YMA te nen hun hman a ni.