Aizawl : ZPM Lengteng North Block buatsaihin nimin khan VC thar lawmna leh Pathian hnena lawmthu sawina Lamzawl-ah neih a ni. He hun hi F. Rodingliana, Lengteng bial ZPM Candidate chuan a hmanpui.
F Rodingliana chuan, Lengteng bial chhung Hrianghmun leh Lamzawl khuaah te ZPM VC thar a piang ta leh Lengteng biala ZPM hmasawnna chu lawmawm a tih thu a sawi a, “ZPM hi sorkarna siam a, Pathian leh mipui duh dana rorel turin kan inpeih thawkhat tawh a ni,” a ti.
ZPM Consultant ni bawk F Rodingliana hian ZPM chuan kum nga chhunga contract singli nga inpek hi an tum ber a nih loh thu sawiin, “Eizawnna nghet lei lung nena inzawm mipuite din chhuah tur kan tum a ni,” a ti a. ZPM sorkar hunah chuan thlai thar te awlsam zawka hralh a nih theihnan kawngpui tha siam an tum tih a sawi.