Burnley chuan Aston Villa atangin midfielder Aaron Ramsey chu Pound maktaduai 12 velin an lalut.
Kum 20 mi Ramsey hian Turf Moor-ah kum nga contract a ziak a, manager Vincent Kompany-a’n tun nipui a player a lakluh 13-na a ni.
“Hun engemaw chen chhung chu Burnley player nih nghakin ka awm a, tunah bul ka tan thei dawn ta.” tiin Ramsey chuan a sawi.
England Under-20 international Ramsey hi Villa midfielder Jacob-a nau niin an youth team-ah kum 8 mi a nih atangin a awm tan tawh a. Senior team tan vawi li inkhelin Cheltenham, Norwich leh Middlesbrough tan te loan in a lo khel tawh.
Ramsey hi nikum a England in European Under-19 Championship an champion tuma player pawimawh a ni.