Aizawl : September ni 6 & 7, 2023-a The Heritage Consortium, Patna, HDFC Bank leh Art & Culture department-te tanghovin ‘Workshop on preventive and curative measures of Archival records along with the latest methods of its storage’ an buatsaihna tur Mizoram State Archives hall chu nimin khan Chief Secretary Dr. Renu Sharma-i’n tlawhin, hmalak dan tur te thawktute a kawhhmuh.
Chief Secretary chuan State Archives-a records vawnthat mek dinhmun te pawh endik nghalin, State Archives-in records an vawnthat mek chu beitham hle-a a hriat thu leh record pawimawh vawnthat kawngah Mizoram sorkar hnuaia department hrang hrang ten tan an lak a ngai hle-a a hriat thu a sawi bawk.
Chief Secretary Art & Culture Secretary Lalthansanga, Director Carol VLMS Dawng- kimi leh Deputy Director K Lalruala ten an tawiawm a. Archivist Lalmuanpuia’n a lo dawngsawng a. Chief Secretary Renu Sharma hi Mizoram Chief Secretary ni tawh zingah Chief Secretary hna chelh laia Mizoram State Archives tlawh hmasaber a ni.