Aizawl district level working committee on national foundation for teacher’s welfare chu nimin khan Addl. DC Isaac C. Lalrempuia hovin an thukhawm a. Kumina Zirtirtute Ni (Teachers’ Day)-ah Aizawl district huap programme buatsaih loh mai ni se, an ti a. School tin te chu an remchan dan anga hmang turin an ti.
Zirtirtute ni pual programme-ah zirtirtu, national leh state award dawng te sawm turin school enkawltute ngen ni se an ti a. NFTW fund zirtirtu zawng zawngin Rs. 100 an thawhkhawm thin Rs. 200 ni tawh tura state level-a lo rel tawh pawh tha an tih thu an sawi.
Membership list fel taka neiin, a copy chu DEO leh concern SDEO-ah thehluh thin ni se, an ti a. Zirtirtute ni puala zirtirtute chawimawina standee leh banner tar thin pawh kum danga an lo tar thinna hmunah leh Millennium Centre-ah tar belh turin hmalak ni se, an ti bawk.
District hrang hrangah pawh tunlai hian Zirtirtute ni hman dan tur ngaihtuahtu committee an thukhawm chho mek zel a, nimin pawh khan district engemaw- zat an thukhaw- m a, a huhova district huapa hmang lovin zirna in tin ten an remchan dan ang theuha hman turin an rel deuh vek hlawm.
Lungleiah pawh ni- min khan District Education Committee Cha- irman, Lunglei Bawrh- sap Ramdinliani hovin an thukhawm a. School tin ten anmahni remchan dan angin Zirtirtute ni chu an hman turin an rel a, district dang te pawh an thukhawm bawk.