A hla, ‘Seven’ tlangzarh atanga thla khat hnu-ah Jungkook-a’n mi hla copy ru a puhna a hmachhawn nghal a, amah buaipuitu BIGHIT Music-in thlavanghauhna a tichhuak bawk.
He hla lar tak ‘Seven’ hi hlaphuah th iam Yang Joon-young chuan Fin.K.L’S ‘Time Mask’ scale sequence nen a in angchiah a puhin, thu thar a vawrh ta chuai chuai mai a, social media lamah sawi a hlawhin, inhnialna nasa tak a chawkchhuak nghal a ni.
Hetih lai hian BTS talent agency BIGHIT Music chuan he puhna hi chhangletin, “Junkook-a ‘Seven’ hla laka puhna hi a dik lo tih kan sawi duh. Seven hi international producer lar mi panga te thawhhona liau liau a ni a, tuna an sawi hla nen khian inzawmna emaw inzulna pakhatmah a nei lo.
“Heti anga inpuhna hi one-sided dik tak a ni a, mi thu leh hla ruk tehna atang pawha thutling leh pawm theihna pakhatmah a awm lo,” tiin an nau thlavang an hauh na hle.