Aizawl: Tun hnaia social media-a naupang kutthlak lai video daraha sawisak turatu chhung leh khatten nimin khan Serchhip Press Club-ah thu thar thehdarhtute an kawm a, kutthlaktu chungah rorelna dik tak hlen chhuah ngei an phut.
Naupang sawisak tuartu chhungte sawi danin, he thil thleng chungchangah CWC leh Serchhip Police lamten theihtawp chhuaha thil sual titu man chhuah kawnga hma an lak vatnaah leh MHIP Sub-hqrs, Serchhip pawhin he thil thleng demna te hian an thla a timuang hle tih an sawi.
He thil thleng chungchangah, an chenna veng atanga fianrial km khat dawn laia hlaa hruai fal a, nikhawhrelova siam ni a, darkar thum lai mai dieiam taka an sawisak kha na an tih thu leh, a rulh let nan engmah man an tih loh thu an sawi a. Nauupang engmah hre lo thil tih satliah mai mai angin lang mah se, sualna thuk takah an ngaih thu sawiin, “Danin hremna pe ngei se tih hi kan duhdan a ni,” an ti.
Rorelna dik an hmuh theihnan hmalak zel an tum thu sawi bawkin, hemi kawngah Mizoram mipui leh NGO hrang hrangte tawiawmna an ngen a. Rilru lam thlenga harsatna pawh a awm theih avangin Mizoram mipuiten tawngtaipui zui zel turin an ngen nghal bawk.