America a basketball league National Basketball Association chuan Philadelphia 76ers player James Harden-a’n an franchise president Daryl Morey a awm chhung hian 76ers tan a inkhel dawn lo tih a sawi hnuah $100,000 chawi turin an hrem.
Kum 33 mi Harden hian Morey hi dawt sawi ching tiin a puh a, 76ers hian Harden hi trade a chhuahtir tura team dangte nen an indawr hnuah inremna an nei thei lova. Player lam hian LA Clippers tana khelh a duh niin an sawi.
NBA chuan an hrem chhan hi player in contract nei chunga team danga trade a nih loh avanga inkhelh loh a tum vang a nih thu an sawi.
Hetihlai hian National Basketball Players Association chuan Harden chuan a duh dan a sawi avangin dan a bawhchhe lova, hrem chu a dik lo a ni tiin thutlukna an sawisel ve thung.