Premier League club Nottingham Forest chuan world champion Argentina team a defender Gonzalo Montiel chu loan in an hawh.
France nen World Cup final an khelh tuma chakna penalty khungtu Montiel hi Sevilla atangin an hawh a, season tawpah a nghet in an lei thei ang.
Kum 26 mi hi Forest boss Steve Cooper-a’n tun nipui a player a lakluh pangana a ni a, jersey number 29 a ha ang.
“Helai hmunah hian inkhel a, khelmual chhunga ka theihna tilang turin ka lo kal a, beiseina sang tak ka nei.”
“Chak duh mi ka ni a, trophy lakte ka duh. Tun hun hi hemi ka tih lanna hun a ni.” tiin a sawi.
Argentina tana vawi 23 khel tawh Montiel hian kum 2021 August khan Sevilla hi a zawm a, an tan vawi 72 a inkhel tawh.