Haas F1 Team chuan season tharah driver ngai an ring dawn a, Kevin Magnussen leh Nico Hulkenberg ten an car an khalh chhunzawm dawn tih an sawi chiang.
Team principal Guenther Steiner chuan, “Tun season-ah driver nghet tha tak pahnih kan nei a, han thlak chhan tur hi ka neiin kan hre lo.” tiin a sawi a. Nikum lam aiin kuminah che tha lo zawk mahse an driver pahnihte tawnhriat leh an intlansiaka an thil hriatte chu an team tih hmasawnna atan a tangkai tih a sawi bawk.
Hulkenberg leh Magnussen te hi F1 a tawnhriat nei tam tawh tak ve ve an ni a, F1 an chhuahsan tawh hnuah Haas hian kir lehna hun an siamsak ve ve te an ni.
Kum 2022 khan Magnussen hi Haas in Russian driver Nikita Mazepin chu Ukraine buaina avanga season tan dawna an thlak avangin team-ah a kir.
Kum 2019 season zawha F1 a seat nghet nei lo Hulkenberg hi kuminah Haas chuan driver tawnhriat nei tha zawk lakluh an duh avangin Mick Schumacher thlaktu atan an lalut ve thung.