Aizawl: BJP Mizoram State President Vanlalhmuaka chuan Nilainia Sairang Kurung luia rel kawng lei dawh mek chim chhan chhui chiang turin Union Railways Minister Ashwini Vaishnaw a hrilh.
Vanlalhmuaka chuan nimin khan Sairanga railway lei dawh mek chim thu hriat a nih ve leh party hruaitu thenkhatte nen a hmun an pan nghal a. A hmun an thlen chuan a thil hmuh dan chu Railways Minister Vaishnaw chu phone-in a hrilh nghalin, lei dawh hna kal meka chet sualna thleng chu chhui chian a ngaih thu leh minister chu chhiatna thlenna hmun a rang lama tlawh turin a hrilh a ni.
BJP Mizoram president chuan lei dawh chim avang hian railway hna thawh kal mek tikhawtlai phah lova chhunzawm a tul thu leh thihna tawk chhungte leh hliam tuarte ngaihsakna kawnga rang taka hma la turin minister a hrilh bawk.
Minister chuan chhiatna thleng chu pawi a tih thu leh a rang lama a chhan chhui a nih tur thu te a lo hrilh.