Aizawl: SEDP Executive Board chu nimin khan Planning & Program Implementation Department Committee Room-ah an thukhawm a, September thla chhunga SEDP phase II sem zawh dan tur an rel.
Thutkhawm hi SEDP Executive Board Chairman, Deputy Chief Minister Tawnluia’n a kaihruai a, kumin September thla chhung a Family Oriented SEDP Phase-2 hnuaia tanpuina dawng turten an dawn kim theih dan tur an ngaihtuah a. Tuna SEDP Phase-1 leh Phase-2 kalpui mek zawh hnuah hian chhungkaw thar Rs 60,000 huam leh turin Phase-3 kalpui leh an rel a ni.
SEDP Phase-2 hnuaiah hian beneficiary sing 60,000 huam tura ruahmanna siam alo ni tawh a, a thawhkhatna kaltlang hian beneficiary-ten tanpuina sum Rs sing 25,000 theuh an dawng dawn a ni.
Eizawnna ngelnghet leh hmasawnna siam tura chhungkaw tin zawn a duan, Family Oriented SEDP kaltlang hian chhungkaw eizawnna bultanna siam sak leh tanpuina pek hmangin Mizoram chhunga mimal leh chhungkua a tam thei ang ber dimhmun tha zawka hlan kai tum a ni.
Family Oriented tih a nih angin tanpuina hi chhungkua anga dawn tur a ni a, chhungkaw pakhat atangin beneficiary pakhat chauh awm theih a ni.