Aizawl: Tlabung khuaa Zodin Village Council-ten Nilaini khan an khaw tawn tirha kawng chhe zual lai an thawm tha.
Zodin VC te chuan kawng an thawmthat lai hi nitin a lirthei lut leh chhuak thahnem takin an paltlang a, kawng pawimawh tak a ni tih an sawi a, helai hi a thlang lam a min avanga nasa taka a hek hnuah a chhak lam chu lirthei ke 4 nei te’n an dai loh theih loh avangin lirthei veivak ten harsatna an tawh phah thin tih an sawi.
Zodin VC te hian an khaw luhka a kawng pawimawh lai thawmthat a ngaih thu hi PWD lamah thlen mahse he kawng enkawltu an nih loh thu an lo hrilh niin an sawi a, hemi hnu hian NHIDCL lam ngaichang mah se hmalakna a awm tak lawk loh avangin sum nei lo chungin hmalak hram dan kawng an dap zui ta niin an sawi.
Thawhlehni lamah pawh damlo pakhat chu hmun dang panpui a nih laiin helai hmunah hian an tan avangin rei tak an tangkhang tih Zodin VC-te chuan an sawi bawk.