Hnahthial Bawrhsap Chuauhnuna’n nimin khan Hnahthial district MJA member te kawmin, district hmasawnna tura hm- alakna hrang hrangte a sawipui.
Bawrhsap chuan thuthar thehdarhtute pawimawh zia sawiin, sorkar leh mipui inkara palai hna thawktu an nih thu a sawi a. Mipuite hnena thudik tluantling phochhuak thintu an nih thu sawin, district inrelbawlnaa an mawhphurhna hre reng a, thudik thehdarh kawngah leh mipui hrilhhriat kawngah tan la thar turin a chah.
Thuthar thehdarh- tute chu mipuite hnena thudik puanchhuah kawnga thawhhopuiah Bawrhsap chuan saw- min, kawng engkimah inngaichangtawna thurawn inpetawn thin turin a sawm a. Social media chak tawh takah Journalist-te pawima- whna a nep phah lo nia sawiin, thudik hailan kawngah an pawimaw- h zual sauh niin a sawi.
Hnahthial district MJA President F Zosangliana pawhin Bawrhspin thuthar thehdarhtute ngaipawimawha inkawmhona hun tha a ruahmansak avang lawmawm an tih thu a sawi a. Hun lo kal zel turah pawh thawhhona tha tak nen an kal ho zel a beisei thu a sawi bawk.
MJA member dang te pawhin an ngaihpawimawh leh mamawhte sawiin Bawrh- sap hnenah hian an thlen a. Ram leh hna- m, district hmasawnna tura lungrual taka hmalak tlan an duh thu an sawi hlawm a ni.