Mizo Students’ Union General Assembly, Thenzawl-a neih chu Zirtawpni zan khan an tiak a, Higher & Technical Education Minister Dr R Lalth- angliana leh MLA, Human Resources Development Board Vice Chairman Dr L. Thang- mawia ten an hmanpui.
H&TE Minister ch- uan college hrang hra- nga zirtirtu leh thawktu indaihlohna chu ramin sum harsatna a tawh mek avangin duh anga hnawhkhah mai theih ni lo mahse, a theih ang anga hnawhkhah tum a nih thu a sawi a. Covid hri leng avangin Mizoram sorkarin ha- rsatna a tawk nasa nia sawiin, hri leng piah- lamah ram dangin an tawh ve loh harsatna tam tak Mizoramin nasa takin a tawk niin a sawi.
Dr R Lalthangliana chuan MSU inkhawmpui palai ten Mizo nunphung a takin an tilang nia sawiin, entawntlak a tih thu a sawi a. “Hei hian kan nunah thui takin thu a sawi ngei ang” tiin “inkhawmpui zawh hnuah pawh hnam thinglung kan put zel nan a tangkai hle dawn a ni”, a ti.
H&TE Minister chuan “Mizo ten danglamna tak kan neih zingah tlawmngaihna hi sawifiah thiam a har a, pi pu chena kan rohlu tlawmngaihna, aia upa zahthiamna leh rinawmna te chhawm nung zelin, Pathianin kan thinlunga a dah ngheh tlat hmangaihna leh lainatna te vawngnung zel ang u”, tiin zirlai kalkhawmte chu a sawm.
Ram ropuite chuan an hnam chhan nana beitute an zahin an chawimawi nasa thin tih sawiin, “keini pawhin kan hmaa mi ropui kaltate sulhnu kan ngaihhlut thiam a tul” Dr R Lalthang- liana chuan a ti a. “Khawvel thiamna sang tawh takah thiamna tak tak kan neih loh chuan kan ramah hnathawk turin hnamdang an rawn lut zel anga, min chimralna kawng a la ni thei dawn a; chuvangin, tih tak taka kan beih a tul takzet a ni” a ti bawk.
Dr. L. Thangma- wia pawhin thu sawiin “Pathianin Mizo zirlai rualte thinlungah hnam hmangaihna thinlung a dah tlat mai hi thil mak leh thil ropui tak a ni”, a ti a. “Kan Pathian hian zirna a ngaipawimawh em em a; chuvangin, kan hnam kan vei em em rual hian Mizo thalai ten zirna kawngah tan kan lak a ngai a ni”, a ti.
Miin thiam taka an sawi avangin a nihna tak zirchiang hmasa lova mi thusawi pawm ngawt lo turin kal- khawmte chu a chah a. Kan ram hruaitute hian eng nge an tih thin, tih te pawh zirchian nachang hre turin zirlaite Dr L Thangmawia chuan zirlai kalkhawmte chu a chah bawk a ni.