Aizawl : Minister C Lalrinsanga’n Inrinni khan Sub.Hqrs YMA Lunglei Golden Jubilee denchhena buatsaih TATA SK 712 Inter Branch YMA Badminton Tournament kharna inkhawm Rahsi Veng Indoor Stadium-ah a hmanpui.
C Lalrinsanga chu- an Badminton bakah sports discipline hrang hrangah pawh thalaite tana inelna thianghlim leh veng hmel pholang theih tur inelna buatsaih zel thei turin Sub.Hqrs YMA Lunglei te chu duhsakna a hlan a. Games and Sp- orts inelna bakah ram leh hnam humhalh ka- wnga Essay inziahsiak te pawh huaihawt thei se a duh thu a sawi.
Minister chuan inelna chuan branch hrang hrang inkarah inpawhna tha zawk leh inhmelhriatna tha zawk a hrin chhuah bakah hmalam hun atan thaw- hhona tha zawk a hrin chhuah ngei a beisei thu a sawi bawk.
He inelnaah hian Luangmual Branch YMA te chu Mipa lamah an champion a, Hmeichhe lam inelnaah Rahsi veng branch an champion ve thung bawk a ni.