Hero Sub Junior Boys’ National Football Championship 2023-24 khelh mekah Mizoram chuan final an khel dawn a. Uttar Pradesh lakah hnehna changin an inhlangkai.
Pathianni chawhnu dar 2:30 khan semi-final hi Malda DSA Stadium-ah khelh a ni a, 1-0 in Mizoram hi an chak. Hun pangngai a goal a luh loh hnuah extra time ah Isak Lalmalsawma’n chakna goal a khung. Final-ah hian Manipur nen an intum leh ang.
Hetihlai hian Junior Boys’ National Football Championship for Dr. B. C. Roy Trophy 2023-24-ah Mizoram in Karnataka 3-1 in an hneh lova. Tier I Group Stage an paltlang zo lo.
Mizoram tan second half-ah C Malsawmtluanga chuan goal khat a khung a, mahse Karnataka chak tur an dal zo lo. Mizoram hi Group A-ah awmin match thum atang vawikhat chiah chakin vawi hnih an tlawm a, pathumna an ni.
Amritsar a Hero Sub Junior Girls’ National Football Championship-ah vawiin tlai dar 4-ah Mizoram leh West Bengal ten semi-final an khel ve leh ang.