Shah Rukh Khan film thar, ‘Jawan’ chuan India box office chu thlipui ang maiin a luhkhung ta rup mai a, ni hnih chhung lekin cheng vaibelchhe 100 a hmuchhuak ta reng mai.
Director Atlee-a siam hian hlawhtlinna namen lo a tawngbua a ni ber a, critic lam kut beng thawm a ring a, milar dangte pawhin an tuipui a, fan te’n namen lovin an uar bawk.
‘Jawan’ film hi tlangzarh ni khan India-ah cheng vaibelchhe 74.5 hmuchhuakin, a ni hnihnaah erawh cheng vaibelchhe 53 niin, tunkar chhovah hian eng emaw zat a rukchhuak ngei tura beisei a ni a, karlovah cheng vaibelchhe 500 thlengin a kapchhuak ngei tura ngaih a ni.