Ultimate Fighting Championship chauh ni lo, khawvela mixed martial arts chanchin a beisei loh result lian ber zing ami a thleng a. Sean Strickland chuan UFC middleweight champion Israel Adesanya hnehin a champion kawnghren a chhuhsak.

Pathianni tukah Sydney khawpui a Qudos Bank Arena-ah UFC 293 neih a ni a, maint event-ah middleweight title inchuhin Strickland leh champion lai Adesanya te an inhmachhawn.

28-5 MMA record neitu Strickland hi chak tura ringtu nei tlem zawk a ni a, nimahsela round nga chhungin champion lai in kut a thlak hnem thei lo. Hetihlai hian Strickland hian Izzy hi round hmasa berah hnek tlu in round hnuhnung pathumah kut a thlak hnem zawkin a thunun zawk a. Unanimous deciision in a chak.

Champion thar chu

Kum 2016-ah Luke Rockhold a champion laiin chawpchilh takin Michael Bisping chu a khingpui tur thlaktu atan pawhchawp a ni a, English fighter hian champion lai hi a knockout zui. Hei ai pawh hian pawisa inchawina company-te chuan Strickland chak chu a awm lo zawk niin an chhut.

Kum 32 mi hi middlweight fighter tha nimahsela bout pawimawhah chetsual a nei leh thin.

Tun tumah erawh khawvela mixed martial artist tha ber pawl ni reng tawh tur Izzy hmaah a ding, chetsual a thiang lo tih a hria, a che sual lo bawk.

Izzy-a’n kutthlak mumal thei lo khawpin Strickland hian a nawr a, a ‘defence’ a tha bawk a, champion hian chhanletna tur a nei thin lo.

“Tun ang hun hi ka thleng ang tih engtiklai mahin ka suangtuah chhun ngai lo. Mumang ang mai a la ni zawk.” tiin Strickland chuan a chak hnuah a lawmzia a sawi.