Manchester United winger Antony chuan hmeichhe kutthlak nia puhna avanga thubuai a neih mek avangin club-ah a kir leh dawn rih lo tih a sawi.
Kum 23 mi hi Brazil in World Cup qualifier a Bolivia leh Peru hmachhawn tur team atanga an telh loh hnuah Thawhtanni khan United training zawm tur a ni a. Nimahsela United lam nen inbiakremna neiin club a zawm rih loh chu tha ber tura an ngaih thu club leh amahin an sawi.
Antony hi a bialnu hlui in kut a thlak niin a puh a, hei bakah hian hmeichhe dang pakhatin Brazilian TV channel-ah a lakah pawh kut a thlak niin a sawi.
Hetihlai hian Antony hian an puhna te chu thudik lo a nih thu a sawi a, a puhtu pakhat zawk nena an inbiaknate pawh social media katlangin a tarlang hial tawh a ni.