Haryana-a Hisar-a tualchhung court chuan mahni thua pathiana inchhal, Rampal chu mi pahnih thah thubuaiah thiam loh a chantir a. Deputy commissioner Ashok Kumar chuan amah leh a thurualpuite hremna tur chu October 16 leh 17 hian puan a ni dawn tih a sawi.
Additional district & sessions judge (ADJ) court D.R.Chalia chuan kum 2014-a thil thlenga thu remna hi a puang a. Satlok Ashram-a an hotu ber, Rampal leh a hotu thubuai hi Thawhtanni khan rel fel a ni.
Rampal leh amah zuitu mi 27-te hi November 19, 2014-a Hisar-a Barwal-a Satlok Ashram-a hmeichhe 4 leh naupang ruang chhar chungchangah thubuai siamsak an ni a. Hemi hma ni chiah hian hmeichhe ruang pawh an hmunah hian chhar a ni bawk.
Thuhretu 80 koh zingah ruang endiktu doctor-te pawh an tel a ni.
Nimina thutlukna puan a nih lai hian thuneitute chuan Rapid Action Force (RAF) leh paramilitary force bakah police 4,000 rualin Rampal-a ashram leh court vel an veng a. Hisar district-ah Criminal Procedure Code (CrPC) Section 144 hmangin mi punkhawm khap a ni bawk.