Philadelphia khawpuia ‘Peace Out: The Farewell Tour’ khuhhawnna nei a, show hmun thuma an tlintla chiah tihah Aerosmith zaipu Steven Tyler chu a vocal cord-a thi a chhuah vangin tour tihtawp nghal a ni.
New Yorkh khawpui UBS Aeran-a show an neih laklawh laiin Tyler hian harsatna a tawk tan a, doctor enfiah tir a nih hnu-ah ni 30 vel chhung tal chu zai rih lo tura thurawn pek a ni nghal.
Heti ang hi a nih vangin September thla chhunga show neihna tur te chu siamthat leh siamrem leh vek a ngai dawn. “Vanduaithlak takin, doctor hnen atangain tun atanga ni 30 chhung zai lo tura thupek khauh tak mai ka dawng tih sawichhuah ka duh a, rilru hrehawm tak chungin ka rawn sawi a ni e. Inrinni zan khan ka vocal cord a chhe hlauh mai a, thisen a chhuah reng bawk si avangin tun thla chhunga show tihfel tawh te pawh hun remchang dangah sawn a ni dawn a, in mi beisei leh duhdan ang ngeia show pui tak nei turin kan rawn kirleh thuai ang,” tiin Tyler hian a sawi.