Aizawl : MLA inthlan lo awm tur atana inbuatsaihna kawngkhat atan nimin khan Govt. Champhai College-ah SVEEP campaign buatsaih a ni a, Champhai Bawr- hsap James Lalrinchhana’n a telpui.
Systematic Voters Education and Electo- ral Participation (SVE- EP) hi Election Commission of India (ECI) hnuaia flagship programme niin, election kaihhnawih thil pawimawhte mipui zirtirna leh vote thlak pawimawh zia inzirtirna kawnga hmalakna a ni.
Champhai Bawrh- sap, District Election Officer ni bawk James Lalrinchhhana chuan Democracy hlut zia ngaihtuah a tul thu sawiin, thenawm ram Myanmar-ah chuan buaina a chhuah avangin Mizoramin raltlan tam tak a kawl phah tih a sawi a. Champhai district chuan raltlan a ngah ber nia sawiin, an ram buaina chhan bul ber te zinga mi chu Myanmar ram chu Democracy ram a nih loh vang niin a sawi.
DEO chuan vote neih ngaihsaklo tam tak an awm thin chu thil pawi tak a nih thu a sawi a. Kum 18 tling tawh phawt chuan vote an neih ngei ngei a ngai tih sawiin, kum 18 hnu lamah chuan vote neih a har tawh thin thu a sawi.
James Lalrinchhana chuan inthlan lo awm turah chuan vote thlak theuh turin Champhai district mipuite a sawm a, zirlai te pawh vote thlak hunah chuan ma- hni khaw lama haw a ngai a nih pawhin vote thlak tura haw hram tur- in a ngen a. Zirtirtute pa- whin he hun pawimawh bikah hian an zirlai khaw dang leh thingtlang ata- nga kal te haw phalsak turin a ngen nghal bawk.
Tunlai khawvel ch- angkang zelah voter ID a pawimawh tulh tulh dawn tih DEO ch- uan sawiin, Adhaar Card te nen thlunzawm mek niin, bank nen pawha thlunzawm mek a nih avangin voter ID nei lo te an chep tulh tulh dawn niin a sawi a. Tun atanga tan la thara, vote nei thei tawh, vote la nei si lo te vote nei tura hmalak a hun thu a sawi bawk.