Aizawl: ZPM Working President K. Sapdanga’n sorkar hnathawkten a hun taka hlawh pe thei tur sawrkar thar hmel hmuh an châk tih nimina Hrangturzo bial chhung khaw hrang hrang a tlawhnaah a sawi.
K. Sapdanga hian Keitum, Khawlailung, Chekawn khuate tlawhin party hruaitute nena inkawmhona an neihah MLA inthlanpui chu kut hnathawktute chauhin an nghakhlel lo a, sorkar hnathawkte hian sorkar thar hmel hmuh an châk thu an sawi chamchi tawh a, an sawi hreh tawh lo tih a sawi.
Kuthnathawktute chawikan chu kalphung thar a nih nghal mai thu sawiin, thlai thar lei hian kuthnathawktute chauh a chawikang dawn a ni lo a, bazara thil zuar, taxi leh dawrkaiten a zar an zo vek dawn tih a sawi a; rorel lai MNF party chungchang sawi telin, “Rorel lai, sitting MLA ngah ber hian bial la puan theih loh an la nei nual,” a ti bawk.
ZPM party thuchhuahin a tar lan danin Hrangturzo bial tlawh kual mektu ZPM working president hian khaw hrang hrang atangin ZPM zawm thar mi 130 an lawm lut a ni.