A lawm leh phur em em chhung a rei lo. 2023 VMAs neih zawh taka award pakua hum hawtu Taylor Swift hian zungbun manto tak, $12,000 (Rs 996, 282) man Diamong ring a tibo.
In lama award ropui pakua hawpuitu hian zungbun manto pakhat a hloh ta chu a ni a, pop superstar lar tak tan a uiawm vawng vawng khawp ang.
Hemi zana inchei nalh tak leh $160,000 man tlereuh mato tak tak nena inlan ni bawk hian Joseph Saidian & Sons kutchhuak Van Cleeff & Arprels zungbun $12,000 man nen mipui zingah inlanin, a phur ber berah a tang nghe nghe.
Show neih lai hian zungbun hi a chhe palh ni a lang thei tu rin Swift hian staff member pakhat hnena thil kim lo a awm ngei tih a entirna video chu nimin atang khan social media-ah nasa takin a darh bawk.
Video clip darh huk ah hian ‘Midnights’ singer ngui hmel leh phur zan loh hmel a lang a, a kut vei lam index finger chu kawkin, zungbun chhia emaw a bo thu sawichhuak ni awm tak hmuh theih a ni.
Kum 33 mi hi heti anga award show lian thama tle reuh manto tibo hmasa ber a ni lem lova, 2018 khan Ariana Grande chuan Billboard Music Awards-a a zai laiin diamond choker, $169,000 man zet chu ti tla palhin, a theh hmeh bo nghal zui bawk.