Aizawl : Hnahthiala Deputy Commissioner of State Tax Office chu nimin khan Taxation Minister Lalchamliana’n a hawng a, District tihpuitlin kawnga pawimawh tak Taxation office hawn a ni ta chu lawmawm a tih thu a sawi.
Taxation Minister chuan Hn- ahthial dist-in district anga a function hnuah kawng hrang hrangin hma a sawn nasa niin a sawi a. Sorkarin hriat lawk loh leh beisei phak loh harsatna tam tak hma- chhawnin duh angin hma la chak thei lo mahse, hmasawnna tam tak hmuh tur a awm niin a sawi.
Mizote chu pipu hunlai atang tawha chhiah pe thin an nih thu sawiin, Taxation Minister chuan engem- aw hunlai atangin engki- ma sorkara innghah tumna rilru a piang ta nia sawiin, pawi a tih thu a sawi a. Chhungkua, khua leh ram z- ahawm ni tur chuan into- delha, mahni kutkea din th- eih a pawimawh thu a sawi.
Kum kaltaa Taxation deptt-in sorkarin chhiah khawn tura a tuk a khum chu lawmawm hle mahse, sorkar budget nena khaikhin chu- an a beitham hle niin a sawi a. So- rkar sum hnar – Tax revenue leh non-tax revenue a awm thu leh Taxation Deptt-in tax revenue ah mawhphurhna a la a, Non-tax revenue chu tui bill, electric bill, stamp fee leh a dangte a nih thu a sawi.
Taxation Minister chuan non-tax revenue – tui bill, electric bill, stamp fee leh a dang te chu sorkar in sum tam tak sengin subsidy-in mipui a pe thin tih a sawi a, hei hi hriatpuia mipuite pawhin chhiah pekah tan lak zual a tul thu a sawi.
Ram a intodelh loh chuan a zahawm thei lo tih Taxation Minister chuan sawiin, mipui pawh ngaituahna thar nen Taxation department-te thawhpui thiam turin a chah a. Sorkarin sum hnar a neih te sawiin, sorkar laipuiin chhiah a lakluh zawng zawng atanga zaa 0.50 chu Mizoramin a chan thu leh chu chu Mizoram sum hnar lian ber a nih thu a sawi.
Mizoramin a sum mamawh zaa 10 chauh a lakluh thu sawiin, Taxation Minister chuan chhiah pek chu mipui mawhphurhna a nih hriaa, a inhrilhhriat kawngah uar leh zuala inzirtir ngai a tih thu a sawi bawk.