Olivia Rodrigo chuan album thar, ‘Guts’ chu tour vawihnihna turah a vawrh lar lehzual dawn ta a, rimawi khawvela a lar chak em emna chhan tichiang lehzual turin kumthar February atangin World tour pui tak a kalpui ang.
California atanga tanin, kar ruk chhung North America a tuam ang a, Europe khawmual a hrut leh hnu-ah May thla hian North America-ah let lehin, August 14, 2024 hian a chenna Los Angeles-ah tawpkharna a nei dawn a ni.
‘Guts’ album hit tak hi September 8 khan Geffen Records kaltanga tihchhuah niin, Top 10 singles-ah hla pahnih, ‘Vampire’ leh ‘Bad Idea Right’ a hringchhuak. ‘Vampire’ hi Billboard Hot 100-ah No. 1 in bul a tan a, he dinhmun luah theih zaithiam naupang ber nihna chelh zuiin, No. 1-ah hian ‘Dirvers License’ leh ‘Good 4 U’ te a lo nihpui tawh bawk.