AZL: September thla chhunga hman thin Poshan Maah (nutrition month) hman mekah Siaha district-ah pawh ngawrh taka kalpui a ni.
Poshan Maah-ah hian naupang kum ruk hnuai lam, nu nau pai leh nau pawm bakah tleirawlte chaw tha ei inzirtirna kalpui niin, chuktuah huan atanga chaw tha awlsam taka hmuh theih a nih thu te, thlai leh thei tharlam ei uar a pawimawhna te, taksa bakah chenna leh a chhehvel vawn fai a pawimawh thu te, hriselna tha zawk nei tura mi thiamte rawn peih a pawimawhna te inzirtir chhoh mek a ni.