Aizawl : BJP Mizoram President Vanlalhmuaka chuan, mi zawng zawng huap a nih avangin BJP Manifesto 2023-ah zir tham a awm tih a sawi.
Nimina an party pisa-a chhung inkhawm an neihah Vanlalhmuaka chuan, Mizoram mipuite’n thuneihna an pe a nih a, Mizoram tana kum nga chhunga an hmalakna tur hrang hrang puanchhuahna leh sem chhuah tur te an nei mek a. BJP hmalak tum dante ngun taka zirchian sak tur leh Mizorama sorkar tawhte anga mipui hmaa tiam tawh ti leh thei lo party an nilo tih hriatsak turin a ngen.
Vanlalhmuaka chuan, Mizoram khaichhuahna tur programme an duanah middle class leh mi hausa te tan pawh programme an neih avangin BJP manifesto 2023 hi zir tham a nih thu sawiin, “Mi zawng zawng huap Manifesto a nih avangin heng hi Mizoram mipui ten kan hriat ngei ngei a ngai a ni,” a ti.
BJP manifesto te tihhlawhtlin a nih theihna turin Mizoram sorkarah an tel a ngai tih sawiin Vanlalhmuaka chuan, “He’ng manifesto-te hi central puihna a tihhlawhtlin tur a nih avangin Mizoram sorkarah a fawng vuantu kan nih a ngai a, chumi hunah chuan Mizoram hian chu malsawmna chu a takin kan chang thei dawn a ni,” a ti bawk.