Sri Lanka in inkhel pawimawhah Pakistan lakah hnehna chang turin an talbuai lova. Ball hnuhnung berah hnehna changin wicket hnihin Pakistan an hneh.
Ningani zana R. Premadasa Stadium-ah a chak zawkin Asia Cup final-ah India an hmachhawn dawn a. Sri Lanka hi Duckworth-Lewis-Stern method hmangin run 252 an siam chuan chak tur an ni.
Ball hnih chiah a awm tawh tihin run 6 an la mamawh a. Charith Asalanka chuan Zaman Khan lakah four runs a vuak hnuah last ball-ah a ke fuhin run hnih an tlan leh hman a, hnehna an chan phah.
Pakistan hian vaw hmasa in Mohammad Rizwan-a run 86 siam hmangin run 252 an siam a. Inkhel tan tir lam ruahin a tih khaihlak avangin DLS method hman a ngai.
Sri Lanka tan hian tun tournament a run siam hnem Kusal Mendis chuan run 91 a siam leh a ni.
Final hi naktuk tlai dar 3-ah an khel ang.