UFC middleweight contender ni reng thin Derek Brunson chuan kum 11 a lo inel tawhna Ultimate Fighting Championship chu a chhuahsan tih a manager Ali Abdelaziz chuan a sawi.
Brunson hi free agent a ni mek a, light heavyweight division a inel turin MMA inelna lian dangte a inlan theihna tur a ngaihven niin an sawi bawk.
23-9 MMA record nei Brunson hi a inlan hnuhnung pahnihah tlawm mahse a hneh lohte hi middleweight title chuhtu zinga langsar ni mek Dricus Du Plessis leh Jared Cannonier te an ni a. Hemi hma hian a zawna vawi 5 chak lai a ni.
Kum 39 mi hi UFC bikah vawi 21 inlanin vawi 14 a chak a, vawi 7 a tlawm.
November 11 hian UFC 295-ah Roman Dolidze nen intum tura tih nimahsela a contract titawp zawk turin inremna an nei.