England striker Callum Wilson chuan Newcastle United-ah contract thar a ziak a, kum 2025 thleng an hnenah a cham ang.
Kum 31 mi hi nakkum nipui a contract a neihlai hmang zo tur a ni a. Kum 2020 September a Pound maktaduai 20 a AFC Bournemouth atanga Magpies zawmtu hi team a a tel hnuah player pawimawh zinga ami a ni nghal thuai.
Newcastle tan hian league match vawi 79 khel tawhin goal 40 a khung tawh a. Season liamta khan goal 18 khungin tun season a UEFA Champions League an khelh theih chhan lian tak a ni.
“He club ka zawm tirh phat atang khan mikhual miah lova siam ka ni a, lawm taka pawm ka ni.”
“Tunah club in kawng dik a pan a, zinkawng duhawm kan tak zawh mek. Heng karah hian team a tel zel tura ka hmalam hun ka tichiang thei hi thil lawmawm tak a ni.” a ti a.
“Kan hmalam hunah thil thlahlel tur a tam a, he khua, fans te leh club hmunpui a hun hmante hi nuam ka ti a, player tam takin hetiang hmuna awm hi an chak thin.” tiin a sawi belh.
Wilson hian tun season-ah Newcastle tan match li khelin goal hnih a khung tawh.