Congress Legislature Party (CLP) Leader Zodintluanga Ralte chuan Mizo thalai thi zingah mipa an tam lutuk avangin Mizo hnam chu ral thei tih a sawi.
Aizawl-a college 10 zirlai hruaitu inzawmkhawm pawl, Aizawl City College Joint Students’ Union (ACCJSU)-in nimina Govt Aizawl College Conference Hall, Mualpuia Assembly hmanpuitu, Zodintluanga Ralte chuan zirlai kalkhawmte chu Mizo thalai thi zingah mipa thu an tam avangin hnam ral mai thei dinhmunah a din avangin inngaihtuah chiang a, tak an lak a tul tih a sawi.
Zodintluanga Ralte chuan, Central K|P chhinchhiah danin, kum 2021-a Mizorama K|P member thi zat 456 an ni a, heng zingah hmeichhia 70 an thi a, mipa chu 386 an thi a. Mipa thi zat hi za zaah 84.64 a tling niin a sawi.
Zirlaite chu nakin lawka ram hruaitu, sumdawng, kohhran leh khawtlang hruaitu an la ni dawn tih sawiin, “In kutah kan ram hi kawng hrang hrangah a la awm dawn a ni,” tia sawiin Zodintluanga Ralte chuan, zirlaite chu ruihhlo laka fimkhur turin a chah.
Thorang bialtu MLA chuan social media hman dan an thiam a tul tih sawiin, “Thil dik leh dik lo finfiah hmasa lo a thil thehdarh te, chumi finfiah hmasa loa lo buaipui chiamtu ni lovin, keini chuan i finfiah hmasa zel ang u,” a ti a. Lehkhabu chhiar tam turin zirlaite chahin, social media lama inhmang tak chungin hunawl hmang tha turin lehkhabu chhiar uar turin zirlaite a chah bawk.
ACCJSU hian chawhma lamah assembly neiin, college hrang hrang 10 atangin SU Leader-te an kal khawm a. Chawhnu lamah hruaitu thar an thlang a ni.