Directorate of Tra- nsport, Aizawl-a Vehicle location tracking & emergency alert system (VLT & EAS) control and command centre chu nimin khan Transport Minister TJ Lalnuntluanga’n a ha- wng a, Khawthlangtuipui leh Tuichawng lui inkar Km 23-a Inland water transport (IWT) project kalpui tur lungphum a phum bawk.
Transport Minister chuan “nunau chaklo zawkte humhim nan emergency button leh motor thlen chin track-na hmanrua hawn a ni hi kan ram hmasawnna bul a nih ngei ka beisei” a ti a. “Passenger phur motor driver te an fimkhur phah anga, kan him phah dawn bawk a, Police te pawh hnuchhui kawngah a pui thei dawn bawk a ni” a ti.
Technical report-a a lan danin, kum 2012-a Delhi-a Bus chhunga pawngsualna rapthlak tak thleng ‘Nirbhaya case’ tia hriatlar avang khan India sorkar chuan passenger te, a bikin hmeichhiate himna tur ngaihtuahin hma a la a. Vehicle location tracking device leh emergency alert button chu passenger phur motor, ke pali leh a chunglam nei, January ni 1, 2019 hnu lama register-ah te vuah vek tura tih a ni.
VLT device hian command & control centre-ah motor a nun chuan lirthei dinhmun a thawn reng dawn a. Motor awmna, a tlan chak zawng, signal dawng tha lo, device tihchhiat tum, SIM card nung tha lo te a hriat theih dawn a ni.
Transport Minister chuan inkalpawhna tha leh tlawm zawk IWT lungphum a ni ta pawh lawmawm a tih thu a sawi a. IWT tangkai theih na tur hrang hrang te a sawi bawk.
Report-a a lan dan- in Khawtlangtuipui – Tuichawng lui Inland Water Transport chu Ministry of Ports, Shi- pping & Waterways chuan DPR (Rs. vbc 22.93) pawm tawhin, phase-I atan Rs. 6,17, 86,000 sanctioned taw- hah Rs. 1,23,57,000 release tawh a ni. Ph- ase-I hi KM 6, Kawrpuichhuah/Thegaduar (Bangladesh border) atanga Tlabung inkar a ni a. M/S Coastal Consolidate Structure Pvt. Ltd. Vijayawada, Andra Pradesh-in he project hi an thawk dawn ang.