Mizo boxer ten kum 2019 atangin official-in professional boxing an khel tan a, khawvel puma professional boxing chhinchhiahna boxrec-ah Mizo hming a pung zel.
Huang zauh zelin 2022 khan Tata Yodha 4×4 LPS Pro Fight hmangin beihpuithlak a ni a, semifinal atangin inhnek zawng zawng boxrec-ah ziah luh vek a ni.
Tata SK 612 LPS Pro Fight 2023-ah hian boxrec-ah Title Fight ziah luh a ni dawn a, professional inhnek pathum buatsaih tel a ni bawk ang.
HC Johnkenty Vanhlimpuia’n professional a luh chilh dawn bakah, WBC India title chuhin Laldingliana (Tuipui) leh F Zoramchhana an inlan dawn a ni.
Hriat theih chinah Mizo boxer 20 chuangin professional boxing chhinchiahna BoxRec-ah chak record an nei tawh a. Anni lo pawh hian professional boxing khel nual tawh mahse an chak lo hlawm a, tunhnai maiah MC Vankimmawii (Ramhlun South) chuan Kolkata-ah a vawi khat nan professional boxing a khel a, vanduaithlak takin a chak zo lo va, Mizo hmeichhe zinga boxrec-a hming chuang hmasa ber erawh a ni tho a ni.
Mizo mi lar Papuia Pachuau leh G’nie chuan professional boxing an khel tawh bawk a; anni tel lo hian boxrec-a chak hnuhma nei Mizo 21 ziah luh an ni tawh.