- Lallunghnema, Charity Lodge
Khawvel mi thiam rual(economist) ho chuan ram hnufual apiangin thil an lei to an ti thin a. Thil siamna hmunah thil deh chhuah man a hniam a, thil siamna hmun atangin a hla tulh tulh a, thil siam chhuah man a sang tial tial thung a ni. A chhan chu transportation(phurh chhuahna) charge a awm belh thin vang a ni pakhat a, kalkawng chhiat vang te,hmanraw tha lo dang avangte pawhin a ni thei.
Mizoramah pawh hian a dik a ni. Aizawla thil hralh man leh thingtlanga thil man chu a inthlau lo thei lo a ni. Amaherawh chu thil man inthlau lutuk hi kan mawl luat vang a ni a. Mawl vangin kan ngaih a sam a, mawl vangin kan inthlahdah a. Mawl vangin huaisenna tur kan hre lova. Kan at huai ta mai mai a ni ber e.
Consumer right hriat loh hi zah tur a ni a. Kan at vangin man to tak takin thil kan lei thin a. Ka thu ziakah te hian kan hriat tlem vanga kan tuarna hi ka sawi uar viau thin reng a ni. .
September 13 khan Govt. Mizoram Law College leh Centre for Consumer Education chuan thawhhona thuthlung kan ziak a. He Thuthlung lehkhaah hian Law College Principal Pi Esther Chhangte leh kei Lallunghnema, Chairman CFCE chuan kan hming kan ziah hnan ve ve a. Keini lam hi Pu Lalsangpuia Vice President leh Pu C. Rohnuna, Secretary, CFCE te kan ni a. Dr. Maria-i chuan an Pi ber Pi Estheri a tawiawm thung. Lawmna thingpui kan in a, hming kan ziak a, Consumer Awareness lamah kan thawk ho thin dawn a ni. Kan va lawm em! Consumer movement hian hmun hrang hrangah kua a hreuh zel a. Hma pawh kan sawn em em tawh a ni. Mahse, hmabak a la ko hle tih erawh hriain tan lak sauh sauh a tul a ni.
Tun lai taka complaint kan hmuh te hi a khirh hle hlawm mai. Sum pai lama inbumna nia ngaih theih a tam hle. Complaint kan dawng tam tulh tulh a, kan hma chhawn tur a khirh tulh tulh emaw tih tur a ni a. A buaithlak hle a ni. A hminga pawl din a, thawk mang si lova awm hi ka thiam zawng a ni lo.Hetiang mi hmuh tur an awm thin hi a buaithlak hle, tih hi ka’n sawi nawn talh teh ang.
Bungraw man inpe,bungrua thawn leh thei si lo.Thu tiam tiam ringawt,dawr nei si lo hriat tur an tam hle.Bungrua pek intiam pe leh thei lo lo,hlawhfa man bate hi sawi chhuah tur an awm reng a ni. Hengho hi Sunday tukah chuan a inpen parh parh an ni duh phian leh nghal a.,!
Kan thupui kan sawi tan dawn tawh ang a.
He biscuit hi eng ti fakau vin nge maw an siam bik le, eng tiat teh rengin nge a tui bik? He biscuit man to lutuk tak mai hi ka va ei chak em! kan lo ti a ni ang e. Mahse, a tui bik vang a ni law! a hralhtuten pawisa an chawi vang mai mai a ni e. Sap tawng i han telh leh lawk teh ang.
“ITC ordered to pay Rs. 1 lakh over one less biscuit in packet of Sunfeast Marie Light. The customer noticed that even though the wrapper mentioned 16 biscuits, there were only 15 biscuits, inside the pack. Complainant Mr. Dillibabu reached out to his local store as well as ITC for an explanation, but did not receive a satisfactory response, according to Times of India. Complaint each biscuit costs 75 .
ITC manufactures 50 lakhs packets of biscuit a day, going by these members the company is cheating consumers of Rs. 29 lakhs every day. Each is 76 grams. However, the court found that each pack containing 15 biscuits weighed only 74 grams. “
Biscuit zuartuin a kawmah(wrapp) 16 a tarlang a. Mahse, pakhat chu kim lovin 15 chauh a ni si a. Pakhat an tih kim loh avangin Rs. 100000/- lai an chawi phah ta a ni. Bisciut pakhat man cheng nuai khat a ni a, pakhat kim lo avangin an mualpho ta hrep a ni.
Mizoramah pawh hian buk tling lo te, a zat kim lo avang hian dawrkai hovin min ei ru a, sumdawng hovin min rawk zel zawng a nih hi!