UFC flyweight champion Alexa Grasso chuan champion hlui Valentina Shevchenko lakah a champion title a hum hram a. Hnehna chang lovin draw result a puan a nih avangin a kawnghren a kawl zel dawn.
Las Vegas a T-Mobile Arena a Pathianni a UFC Fight Night-ah hian champion lai Grasso hian round hnihnaah a khingpui hi a kut dinglam a hnek fuhin Shevchenko hi a tlu a, a bak erawh champion lai in a khingpui han thunun viau lai a nei lo.
March thla khan Shevchenko hian a champion title kawl reng tawh chu Grasso lakah hian a hloh a, rematch-ah hian round nga chhungin che tha zawk niin ding chunga inhmachhawnna leh chhuatah pawh a chan tha zawk a ni zel.
Nimahsela round hnuhnung ber tawp dawnah Grasso hian a khingpui in nawr a tumna chu lo insiamremin a tan hmun a siam a, hei hian judge te point pek danah a chhanhim.
“Ka lawm tak zet. He inbeihna hi a hautak dawn tih ka hre lawk.”
“ A hma a kan intum nen khan engkim a danglam dawn tih ka hria a, mahse ka inpeih a, eng pawh thleng turin ka inring a ni.” tiin Grasso chuan a sawi.