Aizawl : Zirtawpni khan Govt. ITI Aizawla zirlai zirchhuak mi 219 te pualin Convocation programme hman a ni a. Govt. ITI Aizawl hian kumin (2023-24) hian zirlai 419 an nei mek a. Result chhuak hnuhnung berah pverall pass percentage 98.2 % niin, Govt. ITI Mizoram din tirh atanga result that ber tum niin, India ram state hrang hrang zingah Govt. ITI Aizawl chu result nei tha zingah a tel.
Convocation progra- mme vawi 2-na ah hian Principal Govt. ITI Ai- zawl Vanlalhruaia Sailo chuan inlawmna thu sa- wiin, he hun hmanpuitu Secretary LESDE Department Lalramsanga Sailo-in Mizorama ITI zirna in hma a sawn zel avang leh Mizo thalai ten thiam thil zir kawnga ke an pen nasa chu lawm- awm a tih thu a sawi a. India ram Govt. ITI sang chuag zinga result nei tha pawl an ni thei chu chhu- anawm a tih thu a sawi.
Secretary LESDE Department chuan ramin hma a sawn zel theih nan leh thalai te thiam thil hmanga mahni kut kea ding thei tura hma an sawn zel theih nan ITI tihchangtlun zel a pawimawh thu a sawi a. Kumina Engineering trade hrang hrang zirlai pass chhuak ten an result chhuah hmaa hna tha tak an hmu vek thei chu lawmawm a tih thu a sawi.
He hun hmanpuitu Secretary LESDE Department chuan zirchhuak mi 219 te hnenah Certificate a hlan a, a ti tha zual top 3 – Ramnunsangi, Stenographer & Secretariat Assistant {E- nglish (STENO)}, Computer Programming Assistant (COPA) Jerry PB. Laltanpuia leh Computer Programming Assistant(COPA) Rameng- zauva te hnenah Award a hlan bawk.
Director, LESDE Deptt. Angela Zothan- puii’n Magazine a tlang- zarh a. Hemi rual hian G20 India Presidency denchhena competition hrang hrang buatsaiha a ti tha zual top 3 te hnenah Certificate a hlan a. Mizoramin Skills khawvela hma a sawn zel theihna atana zirlai kal chhuakte chuan pawimawhna lian tak an neih thu sawiin, an hlawhtlinnaah lawmthu a sawi a ni.
Sorkar thuchhuahin a tarlan danin Govt. ITI Aizawlah hian Trade thar Solar Technician hawn belh niin, Drone Technology leh Artificial Inteligent course te hawn belh tura hmalak mek a ni a. Drone Technology bik zirchiang tur hian Govt. ITI Instructor pawhin training course a kal mek in, mamawhna a san a em avangin Electrician Tra- de Unit 1 hawn belh a ni bawk a ni.