Mizoram Volleyball Association in a buatsaih Inter Village Volleyball Tournament chu tunkar atangin khelh a ni dawn.
Kumin inelna hi JJS Trucking Bharat Benz Inter Village Volleyball Tournament tih a ni dawn a. September 19 atang 29 chhung R. Dengthuama Indoor Stadium-ah an inkhel ang.
Spike Off hi zanin dar 8-ah Chanmari YMA Hall-ah neih tur a ni a. Programme neih zawhah coaches meeting neih tur a nih avangin team tinte kim taka kal turin MVA chuan a hriattir. Kumin inelnaah hian mipa team 76 an tel dawn a, hmeichhe inelnaah team 27 an tel ang.
Kum hnih dana buatsaih thin niin kum 2021 khan hripui leng avangin neih a ni lova, kum 2019 khan neih niin mipa lamah Maubawk an champion a. Hmeichhe inelnaah Kolasib Diakkawn an champion.