Asia rama cricket inelna lian Asia Cup 2023-ah inelna a sang zela inkhel a hmuhnawm telh telh laiin final-ah beisei loh thil a thleng a. India bowler-ten Sri Lanka hnehsawh taka nghaisa in wicket 10 in India an chak phah.
Pathianni tlaia R. Premadasa Stadium-ah India tan fast bowler Mohammed Siraj chuan wciket ruk a la a. Sri Lanka batsman pali lai over khatah vawm out in wicket hnih dang a lak belh a. Over 15.2-ah Sri Lanka hian run 50 bak an siam thei lo.
Siraj hian over 7 vamwin wicket ruk a la a, run 21 chiah a pe. Hardik Pandya chuan over 2.2 vawmin wicket thum a la ve bawk a. Fast bowler dang Jasprit Bumrah chuan over 5 atang wicket khat a la ve bawk.
Ball thar a duhtawka che tura vawm thei Siraj hian India cricket team chanchin a ODI a bowling figure nei tha ber palina a ni chiah a. Wicket nga la turin ball 16 vawm bak a mamawh lova, Sri Lanka legend Chaminda Vaas nen ODI a wicket nga la rang ber an ni.
India in over 6.1-ah run 51 an siam a. Awlsam taka chakin India hi a vawi sarihna atan Asia Cup-ah an champion.